Neðst á síðu 

Hvað hefur Gaui að segja um sjálfan sig?

Ég er sérvitur karlfuskur á sextugsaldri sem hefur gaman af lífinu og tilverunni. Ég er búinn að vera trillukarl stærsta hluta starfsæfinnar og rak fyrirtæki í þeim bransa í samvinnu við Ægi Má bróður minn og Elis Guðjónsson föður minn. Fyrirtækið hét Pétur Konn ehf í höfuðið á afa mínum Pétri Konráðssyni, sem yfirgaf þessa jarðvist um páska árið 2000 og er hans sárt saknað. Reynsla hans og viska var ómetanleg hjálp í þessu útgerðarbrölti okkar, sem stóð allt til ársins 2006 þegar fyrirtækið var selt. Nú er ég slæpingi og hef yfirdrifið nóg að gera við að slæpast.
  Áhugamál eru ekki ýkja mörg og er ég af sumum talinn eiga við vandamál að stríða þar sem ég hef ekki áhuga á að horfa á enska boltann og Formúluna. Ég aðhyllist frekar lestur góðra bóka og horfi helst á fréttir og fréttatengt efni, auk breskra og danskra gamanþátta í sjónvarpinu. Ýmiskonar tölvuvinnsla er einnig ofarlega á vinsældalistanum hjá mér og þá helst margskonar myndvinnsla. ég hef gert mikið af því að skanna og laga gamlar ljósmyndir auk þess sem ég tek mikið af stafrænum ljósmyndum. Einnig hef ég verið að læra heimasíðugerð og er þessi heimasíða einhverskonar æfing í því námi. Auk þess tók ég í fjarnám hjá tölvutækniskóla Íslands í tölvuviðgerðum og viðhaldi tölvukerfa. Því miður virðist skólinn hafa gufað upp áður en ég náði að fá einhverja pappíra hjá þeim.

 Af fjölskyldunni er þetta helst. Sjálfur bý ég að Grundargötu 70 ásamt henni Kæju minni sem ég kynntist á heilsuhæli í Stykkishólmi. Nú er fjölskyldan okkar orðin tólf manns.

 Ég er með skrifstofu, eða hobbí herbergi á efri hæðinni að Grundargötu 29 í Grundarfirði. Ánæstu mynd sjáið þið útsýnið af þakinu þar. ( Smellið á hana til að fá stærri útgáfu )

  Móðir mín  Bára Bergmann Pétursdóttir býr á neðri hæðinni ásamt föður mínum Ella Guðjóns. Hún fer með mig út að ganga annað slagið til þess að viðra mig.

 Elsti bróðir minn Ómar Bergmann býr í Ástralíu ásamt konu sinni Annette og er tölvupóstfang þeirra omarelisson@westnet.com.au . Ég er næst elstur og Pétur Kristinn sá þriðji okkar bræðra, bjó hér í Grundarfirði ásamt konu sinni Elzbietu og sonum Gabríel og Daníel. Pétur lést árið 2008. Fósturbörn Péturs eru Adrianna og Pjotrek og afabörn Adam og Erika Nótt, börn Adriönnu. Næstur kemur svo áðurnefndur Ægir Már, sem nú býr í Grafarvogi ásamt eiginkonu sinni Angelique (eingulík) og dætrum Alexöndru Kristjönu og Indiönu Rós. Yngst systkyna minna er Sigríður Elísabet sem býr í Stykkishólmi ásamt eiginmanni sínum Hrannari Péturssyni og börnum þeirra Arnari Má og Helenu Björk. Sonur minn sem heitir Kristján og býr í Reykjavík hefur þegar gert mig að afa, og nýlega hafa eldri sonur Kæju, Atli og Unnur unnusta hans komið með lítinn afastrák, sem heitir Bjartur Ýmir og dóttir Kæju, hún Anna Dís og Narfi unnusti hennar bættu svo einni lítilli prinsessu sem heitir Vigdís í barnabarnasafnið.

 

Hér sjáiði mynd af afabarni mínu, sem heitir Iðunn Gígja Kristjánsdóttir (Smellið á myndina og kallið fram aðra). Hún er fædd þann 26 júlí árið 2000. Foreldrar hennar eru Kristján  Guðjónsson( kristgud@li.is  ) og Sonja Karen Marinósdóttir.

 

Ýmsar upplýsingar um heimabyggð mína er að finna á heimasíðunni Grundarfjordur.is .

 

Ægir Már staðinn að kvótasvindli!!

Skoðið örnefnasíðuna   Gestabókin mín

Guðjón Elisson
Grundargötu 29
350 Grundarfirði
Iceland
Sími: 438 6938

Skrifst: 438 6967
Gsm: 8931736

 

 

 

Efst á síðu